तुळजापूर दिनांक 17 प्रतिनिधी
मराठवाड्यातील प्रति जितेंद्र अभिषेकी ज्येष्ठ गायक सुरेश मनोहर दीक्षित यांचे दीर्घ आजाराने हैद्राबाद येथील खाजगी रुग्णालयामध्ये निधन झाले आहे. त्यांच्यावर सकाळी नऊ वाजता तुळजापूर येथे अंत्यसंस्कार करण्यात येत आहेत. त्यांच्या पश्चात पत्नी एक मुलगा एक मुलगी नातवंडे असा मोठा परिवार आहे. त्यांच्या निधनाने तुळजापुरात हळहळ व्यक्त करण्यात येत आहे.
अत्यंत लोकप्रिय व्यक्तिमत्व म्हणून सुरेश नाना यांच्याकडे पाहिले जाते, लहान थोर सर्व वयोगटात अगदी सहजपणे मिसळून जाणारे आणि हास्यविनोद गप्पा रंगविणारे सर्वांना अगदी सहजपणे मार्गदर्शन करून प्रश्न सोडवणारे सर्वांचे लाडके व्यक्तिमत्व म्हणून त्यांच्याकडे पाहिले जाते. राजकारण संगीत कृषी आणि धर्मशास्त्रामध्ये त्यांचे विशेष ज्ञान होते. जितेंद्र अभिषेकी यांच्या गायनाचा त्यांच्यावर पकडा होता म्हणून ते मराठवाड्याचे जितेंद्र अभिषेकी म्हणून देखील ओळखले जात होते संपूर्ण महाराष्ट्रामध्ये त्यांचे वेगवेगळ्या ठिकाणी कार्यक्रम झालेले आहेत. अनेक दिवसापासून त्यांच्यावर हैदराबाद येथे उपचार सुरु होते. 17 ऑक्टोबर रोजी सकाळी नऊ वाजता त्यांच्यावर तुळजापूर येथे अंत्यसंस्कार करण्यात येणार आहेत
