पुणे दि 1 न्यूज मराठवाडा प्रतिनिधी
तब्बल 11 वेळा आमदार राहिलेल्या गणपतराव देशमुख यांच्या जीवनावर येतोय ‘कर्मयोगी आबासाहेब’ चित्रपट
– अभिनेता अनिकेत विश्वासराव दिसणार मुख्य भूमिकेत
– अल्ताफ दादासाहेब शेख करणार चित्रपटाचे दिग्दर्शन
सोलापूर जिल्ह्यातील सांगोला मतदारसंघाचे तब्बल अकरावेळा आमदार आणि दोन वेळा कॅबिनेट मंत्री झालेले आबासाहेब ऊर्फ गणपतराव देशमुख यांच्या जीवन चरित्रावर ‘कर्मयोगी आबासाहेब’ चित्रपटाची निर्मिती होत आहे. या चित्रपटाचे लेखन व दिग्दर्शन प्रसिद्ध लेखक, दिग्दर्शक अल्ताफ दादासाहेब शेख करीत आहेत.
शेतकरी कामगार पक्षाचे महाराष्ट्रातील ज्येष्ठ नेते निस्वार्थ राजकारण आणि गोरगरिबांचा आमदार अशी ज्यांची प्रतिमा होती असे भाई गणपतराव देशमुख यांच्या जीवनावर हा चित्रपट निर्मिती करण्यात आलेला आहे बदलत्या राजकीय परिस्थितीमध्ये या चित्रपटाचे महत्त्व अधिक अधोरेखित होणार आहे पुढच्या काळामध्ये होणाऱ्या निवडणुका आणि त्यामधील राजकारण तसेच अन्य बाबीकडे लक्ष वेधले जाणार आहे अकरा वेळा विधानसभेमध्ये प्रतिनिधित्व करणारे आबासाहेब राजकारणामध्ये पन्नास वर्षापेक्षा जास्त काळ कसे यशस्वी झाले असतील या कठीण परिस्थितीमध्ये त्यांना लोकांनी का निवडून दिले असेल आणि या संधीचे सोने करीत असताना त्यांनी त्यांच्या मतदारसंघासाठी आणि महाराष्ट्राच्या जनतेसाठी कोणत्या स्वरूपाचे काम केले या सर्व परिस्थितीचा अंदाज चित्रपटाच्या पडद्यावर प्रेक्षकांना अगदी चटकन समजणार आहे आवर्जून पहावा आणि त्याची सविस्तर चर्चा व्हावी असा हा चित्रपट आहे खूप चांगल्या विषयाची निर्मिती या निमित्ताने समाजासमोर आली आहे महाराष्ट्राच्या सर्व जनतेने आवर्जून चित्रपट पाहावा अशी विनंती या चित्रपटाच्या अनावरण प्रसंगी राष्ट्रवादी काँग्रेसचे अध्यक्ष शरद पवार आणि राज्याचे उपमुख्यमंत्री देवेंद्र फडणवीस यांनी केलेले आहे.
मायाक्का माऊली फिल्म प्रोडक्शन आणि मुंबई क्रिएशन एंटरटेनमेंट निर्मित या चित्रपटाचा पोस्टर लॉन्च सोहळा नुकताच राष्ट्रवादी काँग्रेसचे जेष्ठ नेते शरद पवार व उपमुख्यमंत्री देवेंद्र फडणवीस यांच्या हस्ते पार पडला. यावेळी चित्रपटाचे निर्माते बाळासाहेब एरंडे व मारुती बनकर, दिग्दर्शक अल्ताफ शेख, स्टार कास्ट व उल्हास धायगुडे पाटील उपस्थित होते.
वेडा बी एफ, बेतुका, कम ऑन विष्णू, ब्रेक डाऊन धारावी कट्टा , असे एकाहून एक सरस चित्रपटाचे लेखक, दिग्दर्शक अल्ताफ दादासाहेब शेख यांच्या बहुप्रतीक्षित “कर्मयोगी आबासाहेब” या चित्रपटाच्या चित्रीकरणाला नुकतीच सुरुवात झाली. ह्या चित्रपटात प्रमूख भूमिका अभिनेता अनिकेत विश्वासराव साकारत असून हर्षद जोशी, विजय पाटकर, अभिनेत्री देविका दप्तरदार, निकिता सुखदेव, ‘सैराट’ फेम अरबाज शेख, तानाजी गुलगुंडे, अहमद देशमुख, सुरेश विश्वकर्मा, प्रदीप वेलणकर, अनिल नगरकर, छोटा पुढारी वृंदा बाळ आदि कलाकारांच्या महत्वपूर्ण भूमिका आहेत.
प्रसिद्ध संगीतकार अवधूत गुप्ते यांनी संगीत दिले आहे, तर चित्रपटातील गाणी बॉलीवूड सिंगर कुणाल गांजावाला आणि मनीष रांजणे यांनी गायली आहेत. छाया चित्रकार कुमार डोंगरे, स्टील फोटोग्राफर राजेंद्र कोरे, वेशभूषा संगीता चौरे व पोर्णिमा मराठे, एक्झिक्युटिव्ह प्रोड्यूसर अमजदखान शेख, विशेष सहकार्य उल्हास धायगुडे पाटील यांचे आहे.
