तुळजापूर दि 20 प्रतिनिधी डाॅ.सतिश महामुनी
आमदार राणा जगजीत सिंह पाटील यांच्या मार्गदर्शनाखाली लेडीज क्लब धाराशिव यांच्या वतीने धाराशिव जिल्ह्यातील गौरी गणपती समोर करण्यात येणारे देखाव्यांची स्पर्धा आयोजित करण्यात आली आहे इच्छुक कुटुंबांनी दिलेल्या मोबाईल क्रमांकावर संपर्क करण्याचे आवाहन लेडीज क्लबचे अध्यक्ष सौ अर्चनाताई पाटील यांनी केले आहे. जिल्हाभरातील कलावंतांना प्रोत्साहन देण्याच्या उद्देशाने ही स्पर्धा आयोजित करण्यात आली आहे.
लेडीज क्लब धाराशिव च्या वतीने विविध सांस्कृतिक उपक्रम राबविले जातात या लेडीज क्लबचे अध्यक्ष म्हणून माजी जिल्हा परिषद उपाध्यक्ष सौ अर्चनाताई पाटील या आहेत. महिलांना सक्षम करण्याबरोबर त्यांच्या कलागुणांना वाव देण्याच्या उद्देशाने लेडीज क्लब च्या वतीने विविध कार्यक्रम आयोजित केले जातात यावर्षी गौरी गणपतीच्या निमित्ताने या काळात केल्या जाणाऱ्या देखाव्यांची स्पर्धा आयोजित केली आहे यासाठी पहिले पारितोषिक 10 हजार रोख आणि सन्मानचिन्ह, द्वितीय 7 हजार रुपये रोख आणि सन्मानचिन्ह, तृतीय पारितोषक 5 हजार रुपये रोख आणि सन्मान चिन्ह असे भरघोस पारितोषक ठेवण्यात आले आहे. स्पर्धेत सहभागी होणाऱ्या कुटुंबांनी सौ पणगुडे मॅडम 9420200549, सौ अस्मिता कांबळे 99 75 22 77 74, उषा येरकळ 89 99 38 54 84 , संगीता भोरे 9850262916, सुदेशना जाधवर 94 04 62 33 52 या मोबाईल क्रमांकावर संपर्क साधून सहभागी होण्याची पद्धत आणि इतर माहिती घ्यावी असे आवाहन संयोजकाच्या वतीने करण्यात आले आहे.
