तुळजापुर खुर्द येथील तुळजाई मंडळाचा 36 वा विनावर्गणी गणेशउत्सव
तुळजापूर दि ९ वृत्तसेवा
तुळजापूर खुर्द येथील तुळजाई सांस्कृतीक व क्रीडा मंडळाची गणेशोत्सव २०२४ साठी मंडळाचे जेष्ठ सभासद भोजने दुर्वास भगवान यांचे अध्यक्षतेखाली ३६ सर्वसाधारण सभा संपन्न झाली. यावर्षीच्या अध्यक्षपदी एडवोकेट बालाजी देशमाने यांची निवड करण्यात आली.
चांगला गणेशोत्सव उत्तम सांस्कृतिक कार्यक्रम आणि सर्व प्रभागांमध्ये सहयोगाचे वातावरण अशा विविध वैशिष्ट्यांनी तुळजाई मंडळाचा गणेशोत्सव दरवर्षी साजरा होतो. या गणेशोत्सवाच्या कामातून तुळजापूर खुर्द येथे उत्तम सामाजिक उपक्रम राबविले जातात. तुळजाई नागरिक पतसंस्था ही त्यातील एक उत्तम उदाहरण आहे.
यावेळी मंडळाच्या वतीने विनावर्गनी मंडळाच्या सदस्यांच्या मदतीतुन आयोजीत करण्याचे सर्वानुमते ठरविण्यात आले. रक्तदान शिबीर, वृक्षारोपण, किर्तनसेवा, भारुडसेवा, विद्यार्थ्यांसाठी विविध स्पर्धा आयोजन, नागरिकां साठी सर्वरोग निदान शिबीराचे आयोजन, तसेच पशुवैद्यकिय शिबीर, महिलांसाठी खास मोदक स्पर्धेचे आयोजन केले जाणार आहे.
सभेच्या सुरवातीस २०२४ वर्षीच्या गणेश उत्सव समितीचे अध्यक्षपदी अॅड. बालाजी चंद्रकांत देशमाने, उपाध्यक्ष नाना भोजने सचिवपदी विकास भोजने, कोषाध्यक्षपदी राम ठेले यांची नियुक्ती करण्यात आली. कार्यकारणी सदस्य म्हणून साबळे हाणमंत , शेख अलीम यांची निवड सर्वानुमते करण्यात आली .
या सभेस मंडळाचे जेष्ठ सदस्य खंडू ताटे, माजी नगरसेवक पंडितराव जगदाळे, पतसंस्था चेअरमन राजाभाऊ देशमाने, संस्थापक अध्यक्ष अदिनाथ ठेले उपाध्यक्ष संजय नाईक, सचिव संजय ढवळे, सचिन राऊत , प्रा निलेश एकदंते , धनंजय कुंभार, डॉ गोपिनाथ भोजने, संजय व्हटकर , प्रा संतोष एकदंते , मकसद शेख, संजय देशमाने,प्रमोद क्षीरसागर मंडळाचे सभासद हजर होते.
