तुळजापूर दिनांक 3 प्रतिनिधी . डॉ. सतीश महामुनी
तुळजापूर तालुका कृषी उत्पन्न बाजार समितीच्या सभापती पदावर आशिष गणेश सोनटक्के व उपसभापतीपदावर सुहास शामराव गायकवाड यांची बिनविरोध निवड करण्यात आली. निवडीनंतर आमदार राणा जगजितसिंह पाटील यांनी नवनिर्वाचित पदाधिकाऱ्यांचा सत्कार केला.
सहाय्यक निबंधक बीपी मोरे यांच्या अध्यक्षतेखाली तुळजापूर तालुका कृषी उत्पन्न बाजार समितीच्या सभागृहामध्ये बैठक संपन्न झाली या बैठकीमध्ये सभापती पदासाठी तीन अर्ज दाखल करण्यात आले होते यातील दोघांनी आपले अर्ज मागे घेतले त्यामुळे आशिष गणेश सोनटक्के यांची अविरोध सभापती म्हणून निवड घोषित करण्यात आली त्यानंतर उपसभापती पदासाठी देखील बिनविरोध सुहास शामराव गायकवाड यांना निवडणूक निर्वाचन अधिकाऱ्यांनी घोषित केले. आमदारांना जगजीत सिंह पाटील आणि बाजार समितीच्या सूत्रांची महत्वाची बैठक संपन्न झाली आणि यामध्ये झालेल्या दिलजमाई मधून हे निवडणूक प्रक्रिया संपन्न झाली असे समजते. सभापती पदावर निवड झालेले आशिष सोनटक्के हे माजी जि.प. सदस्य गणेश सोनटक्के यांचे चिरंजीव आहेत. यापूर्वी मावळते सभापती म्हणून सचिन पाटील यांनी काम केलेले आहे. निवड प्रक्रियेच्या या बैठकी दरम्यान आमदार राणा जगजित पाटील, युवक नेते विनोद गंगणे, माजी सभापती विजय गंगणे, मजूर फेडरेशनचे चेअरमन नारायण ननवरे, सतीश दंड नाईक, दीपक आलुरे, आनंद कंदले, संतोष बोबडे, सिद्धेश्वर कोरे , विजय शिंगाडे, बालाजी रोचकरी संतोष कदम , एडवोकेट रामचंद्र ढवळे, सौ . सोनल कदम, संजय भोसले, अशोक पाटील, सुनील जाधव यांची याप्रसंगी उपस्थिती होती.
आमदार राणा जगजित सिंह पाटील यांच्या मार्गदर्शनाखाली तुळजापूर तालुका कृषी उत्पन्न बाजार समिती मागील कार्यकाळापासून चांगले काम करत आलेले आहे मला सभापती पदावर बसण्याची जी संधी मिळालेली आहे त्याचा उपयोग आपण शेतकरी आणि व्यापारी यांच्या हितासाठी करू अशी प्रतिक्रिया सभापती पदावर निवड झाल्यानंतर नवनिर्वाचित सभापती आशिष गणेश सोनटक्के यांनी दिली
