मुंबई / तुळजापूर दि.२८ डॉक्टर सतीश महामुनी
डिजिटल मिडिया संपादक पत्रकार संघटना महाराष्ट्रचे संस्थापक अध्यक्ष व महाराष्ट्र शासनाच्या शंकरराव चव्हाण पत्रकार कल्याण निधी समितीचे सदस्य राजा माने यांनी डॉ.डी.वाय.पाटील समुहाचे जनक बिहारचे माजी राज्यपाल पद्मश्री डॉ.डी.वाय.पाटील यांची त्यांच्या निवासस्थानी सदिच्छा भेट घेवून संवाद साधला.
भारतामधील नामांकित डी वाय पाटील समूहाचे संस्थापक म्हणून त्यांनी प्रदीर्घ काळ खूप मोठी कारकीर्द गाजवली त्यानंतर बिहार राज्याचे राज्यपाल म्हणून त्यांनी केलेले कार्य देखील उल्लेखनीय ठरले सर्व क्षेत्रांमध्ये आपल्या कामाचा ठसा उमटवणारे ज्येष्ठ शिक्षण तज्ञ पद्मश्री डॉ. डी. वाय. पाटील उत्साह कुणालाही अचंबित करणारा आहे. त्यांनी विविध विषयावर या प्रसंगी चर्चा केली आणि अनेक प्रश्नांची माहिती करून घेतली . 89 वर्षाचे पद्मश्री पाटील यांचे वय मात्र जाणवले नाही तोच उत्साह आणि तोच स्फूर्तीदायक त्यांचा स्वभाव पूर्वीप्रमाणे दिसून आला त्यांच्या भेटीमुळे मनस्वी आनंद मिळाला.
त्यांना भेटण्यासाठी येणाऱ्या मान्यवर स्नेहीजनांचे आस्थेने स्वतः आदरातिथ्य करतात. याचा आज पुन्हा प्रत्यय आला. अशी भावना डिजिटल मीडिया पत्रकार संघटना संस्थापक अध्यक्ष राजा माने यांनी व्यक्त केली. महाराष्ट्र शासनाच्या शंकरराव चव्हाण पत्रकार कल्याण निधी समितीच्या सदस्यपदी नियुक्ती झाल्याबद्दल त्यांनी राजा माने यांचे पद्मश्री डी वाय पाटील यांनी अभिनंदन करुन शुभेच्छा दिल्या.यावेळी उद्योजक कुंदन हुलावळे व राजेश जैन हे उपस्थित होते.
